Nuvvunte Naa Jathaga : వంద ఎపిసోడ్ లు పూర్తి చేసుకున్న నువ్వుంటే నా జతగా!
on May 3, 2025
స్టార్ మా సీరియల్స్ లు అత్యధిక టీఆర్పీ రేటింగ్ తో సాగుతుంటాయి. అందుకేనేమో భిన్నమైన కాన్సెప్ట్ తో కొత్త సీరియల్స్ వస్తుంటాయి. అయితే వీటిల్లో గుండె నిండా గుడిగంటలు, ఇంటింటి రామాయణం, ఇల్లు ఇల్లాలు పిల్లలు, కార్తీక దీపం2, బ్రహ్మముడి, చిన్ని సీరియల్స్ ప్రస్తుతం టాప్ రేటింగ్ తో దూసుకెళ్తున్నాయి.
ఇక గత సీజన్ బిగ్ బాస్-8 తర్వాత మొదలైన నువ్వుంటే నా జతగా సీరియల్ తెలుగు ప్రేక్షకులన అభిమానాన్ని పొందుతుంది. ప్రస్తుతం ఈ సీరియల్ వంద ఎపిసోడ్ లు పూర్తి చేసుకుంది. బిగ్ బాస్ ఫేమ్ అర్జున్ కళ్యాణ్ హీరోగా దేవ పాత్రలో కన్పిస్తుండగా.. మిథున పాత్రలో కొత్త అమ్మాయి నటిస్తోంది. శారద, సత్యమూర్తి ఇద్దరు దేవ వాళ్ళ అమ్మనాన్నలు. ఈ సీరియల్ ఎలా మొదలైందో ఓసారి చూద్దాం..
ఒక ఊరిలో దేవా అనే రౌడీ, మిథున గొప్పింటి అమ్మాయి ఉంటారు. ఓ రోజున మిథున తన ఫ్రెండ్ పెళ్లి గుడిలో చేపిస్తుంటుంది. ఇంతలో కొంతమంది రౌడీలని వెంబడిస్తూ దేవా ఆ గుడిలోకి వస్తాడు. ఇక రౌడీలని ఛేజ్ చేసే క్రమంలో పెళ్ళికొడుకుకి దేవా తగిలి అతను పడిపోతాడు. ఇక మిథున చేస్తున్న పెళ్ళి ఆగిపోతుంది. దాంతో దేవాని మిథున లాగిపెట్టి కొడుతుంది. నీ వల్ల పెళ్లి ఆగిందంటూ దేవాని తిడుతుంది. తాళి కడితేనే పెళ్ళి జరిగినట్టా అని దేవా వాదిస్తుంటాడు. దాంతో మిథున అవునని అంటుంది. ఇక దేవా పక్కన ఉన్న తాళిని తీసుకొచ్చి మిథున మెడలో కట్టేసి.. ఇప్పుడు నీ మెడలో నేను తాళి కట్టాను.. అంతమాత్రానా మనం కలిసి ఉండాలా.. పోవే అంటు రూడ్ గా మాట్లాడి తనని వదిలేసి వెళ్ళిపోతాడు. పెళ్లికి, మన ఆచారాలకి విలువనిచ్చే మిథున మొదట షాకవుతుంది. ఆ తర్వాత ఆలోచనలో పడిపోతుంది. ఇక ఇంటికి వెళ్ళి జరిగిందంతా తన అమ్మనాన్నలకి మిథున చెప్తుంది. ఆ తాళి తీసేసి ఇంట్లోకి రమ్మని వాళ్ళు గెంటేస్తారు. దాంతో మిథున ఇల్లు వదిలి దేవా దగ్గరికి వస్తుంది. ఇక దేవా వాళ్ళ నాన్న దేవాకి కనీస మర్యాద కూడా ఇవ్వడు. ఎందుకంటే ఎప్పుడు చూసిన గొడవలు పడుతుంటాడని అతడిని తిడుతూనే ఉంటాడు. ఇక దేవాతో పాటు ఉండటానికి వచ్చిన మిథునని ఎవరు అంగీకరించరు. అయితే కొన్ని ఎపిసోడ్ ల ముందు దేవా వాళ్ళ నాన్న మీద ఎటాక్ జరుగుతుంది. అందులో మిథున తన ప్రాణాలు అడ్డుపెట్టి మరీ దేవ వాళ్ళ నాన్న సత్యమూర్తిని కాపాడుతుంది. ఈ విషయం తెలుసుకున్న దేవా వాళ్ల అమ్మ శారద తనని కోడలిగా అంగీకరిస్తుంది. మరి ఇష్టం లేని పెళ్లితో అత్తారింట్లో అడుగుపెట్టిన మిథున జీవితం ఎలా సాగనుంది? నువ్వుంటే నా జతగా అని తన భర్త దేవా ఎప్పుడంటాడో తెలియాలంటే ఈ సీరియల్ చూడాల్సిందే. ఇప్పటికే ఈ సీరియల్ వంద ఎపిసోడ్ లు పూర్తి చేసుకోగా ఈ సీరియల్ టీమ్ సంబరాలు చేసుకుంటున్నారు.
Also Read
.webp)
.webp)
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
